Hinário Sūg

KALANGAN sem manga UMMAT sem TUHAN
Em nasulat halawm sin būk ini manga kalangan, em kamatauran kiyawaꞌ dayn ha Hinos da Vida Cristã, nasulat pa bahasa Sūg ha babaan sin hambuuk parhimpunan Protestant: The Christian and Missionary Alliance.
Muramurahan no mangá tarasul nasulat ha lawm sin būk ini duma karayawan kansiyu-siyu mamacha atawa dumungug atawa kumalang sin manga tarasul ini. Insa Deus!

Pahati sin biyaꞌ diin naawn in būk ini:
Em kaibanan kalangan ha lawm sin būk ini naawn dayn ha pagsalin tiyagnaan hinda Bibiano Concepcion, Jack Sabandal kay Luke Bahuluk sin walaꞌ pa em pagbunuꞌ Jipun iban Milikan. Manjari kiyaganapan ha tahun umbul 1953 Hinda Julie Schuck kay Rev. Ramon Carino. Sakali, dayn ha tahun umbul 1963 pa 1968 hiyatul iban kiyaganapan mataud hinda Sra. Dianhua Tan, Gideon Woo kay Rev. James Johnson amu em ngan niya ha bahasa Sūg hi Yakub ibn Yahiya. Hiyambuuk katan pa lawm būk kaagi hi Yakub ibn Yahiya ampa naubus ha tahun umbul 1968. Manjari, hiyatul isab nagbalik iban kiyaganapan tiyuꞌ-tiyuꞌ. Hiyambuuk katan pa lawm sin būk ini kaagi oi Yakub ibn Yahiya ampa naubus ha tahun umbul 1983.

Awn manga piyangaruhan hi Yakub ibn Yahiya haliyu dayn kan Mrs. Dianhua Tan kay Gideon Woo amu walaꞌ kiyabutang em ngan nila ha gikap ini. Malaingkan, pa katan amu nakatabang kamuꞌ bat maawn em būk ini hitukbal namuꞌ kaniyu, ihilas sin atay, em pagsarang-sukul namuꞌ.

Mahuli dayn duun, muramurahan no mangá tarasul-kalangan ha lawm sin būk ini makara karayawan pa mabanus Tausug sampay pa no mangá makahati sin bahasa Sūg. Insa Deus!

Muramurahan kaw bawgbugan
Bawgbugan da kaw sin Tuhan
Hinduan Dayn Ha Lawm Parman
Tattap datungan karayawan.

Muramurahan da humabaꞌ
Em ummul mu di ha lupaꞌ
Bang man diꞌ datungan balaꞌ
Masannang kaw sampay pa sulgaꞌ.

Hymanl preparado para publicação eletrônica por PalmanTuhan.com