Bul platforma – 1982-1992-jılları kitap bolıp basılıp shıqqan “Qaraqalpaq tiliniń túsindirme sózligi”niń 4 tomlıǵı tiykarında islep shıǵılǵan. Bul baǵdarlamaǵa 4 tomlıqtaǵı sózler ózgerssiz kirgizilgen. Sonlıqtan, bunda sol dáwirge tiyisli bolǵan kóplegen sózler de ushırasıwı múmkin. Biraq, ótken dáwirge tiyisli ayırırm ideologiyalıq baǵdardaǵı sózlerdiń mánisin biliw de áhmiyetli. Házirgi waqıtta qaraqalpaq tilshileri tárepinen Túsindirme sózliktiń 6 tomlıǵı tayarlanbaqta. Usı jańa zamanǵa say sózler menen tolıqtırılǵan usı kóp tomlıqtaǵı sózler bizlerdiń platformamızǵa kiritilip barıladı. Álbette, bul platformada ayırım kemshilikler bolıwı múmkin. Bunı aldaǵı waqıtlarda dúzetip baramız.

Tusindirmesozlik.uz – sanlı baǵdarlama bolıp, bunda qaraqalpaq tiliniń altın ǵáziynesinen orın alǵan kóp mıńlaǵan sózlerdiń sinonimleri, mánisi, etimologiyası mısallar járdeminde beriledi. Siz bul platformada qálegen waqıtta hám qálegen orında paydalanıw imkaniyatına iye bolasız. Bizlerdiń tiykarǵı maqsetimiz – qaraqalpaq tilin internet global tarmaǵına qosıw arqalı rawajlandırıw. Jaqın keleshekte platformanı taǵı da jetilistirip, oǵan audiovariantlardı da qosıwdı rejelestirgenmiz. Eger de Ana tilimizdiń rawajlanıwına úles qosqıńız kelse, biziń platformamızdı qollap-quwatlawıńızdı soraymız! Platforma "Bookie" qaraqalpaq tilindegi audiokitaplar hám "KARSOFT-IT-SOLUTIONS" JSHJ tárepinen islep shıǵıldı.

Bul joybar Qaraqalpaqstan Respublikası Ministrler Keńesi janındaǵı Qaraqalpaq tilin rawajlandırıw fondı tárepinen qollap-quwatlandı.